जनशक्ति उत्पादन गर्न प्रदेशमा विश्वविद्यालय आवश्यकः मुख्यमन्त्री केसी

काठमाडौंः लुम्बिनी प्रदेश सरकारका मुख्यमन्त्री कुलप्रसाद केसीले लुम्बिनी प्रदेशमा दक्ष जनशक्ति उत्पादन गर्न विश्वविद्यालय स्थापनाको तयारी भइरहेको बताएका छन्। 

मुख्यमन्त्री तथा मन्त्रिपरिषद्को कार्यालयमा आज भएको समन्वयात्मक बैठकमा मुख्यमन्त्री केसीले विश्वविद्यालय स्थापना गरी अनुसन्धानात्मक शिक्षा प्रदान र विश्व बजारमा विकाउ जनशक्ति उत्पादनका लागि प्रदेशमा विश्वविद्यालय स्थापना गर्न आवश्यक रहेकामा जोड दिए । यसै चौमासिकमा कार्य थालनी गर्नका लागि शिक्षा मन्त्रालयलगायत अन्य सरोकारवाला निकायलाई निर्देशन दिँदै मुख्यमन्त्री केसीले प्रदेशस्तरको विश्वविद्यालय बनाउँदै लुम्बिनी प्रदेशको सपना साकार बनाउन जरुरी रहेको बताए।

मुख्यमन्त्री केसीले अनुसन्धानात्मक विषयमा अध्यापन गराउँदै छिटो देखिने गरी परिणाम दिन आवश्यक रहेकामा जोड दिँदै प्रदेशमा विश्वविद्यालय सञ्चालनका लागि भूगोल, वातावरण, जमिनको उपलब्धतालगायतका हिसाबले दाङको बङ्गालचुली गाउँपालिका उत्तम हुने बताए । गोष्ठी एवं समन्वयात्मक बैठकमा काठमाडौं विश्वविद्यालयका प्राध्यापाक लक्ष्मण ज्ञवालीले नेपालका विश्वविद्यालयमा प्रमाणपत्र दिने काम मात्र पहिलो प्राथमिकताका साथ अगाडि बढेको भन्दै अबका दिनमा अनुसन्धानमूलक शिक्षा प्रदान गर्ने थलोका रुपमा विकास गर्दै लैजानुपर्ने धारणा राखे । 

प्राप्त प्रतिकृयाहरू

यसमा तपाइको मत

प्रतिक्रिया थप्नुहोस्

भर्खरैका समाचार | Latest News

सबै

धेरैपटक हेरिएको |Most Read

सबै