जिन्दगी सस्तो हुँदै छ,दाजै 

रोशन श्रेष्ठ

भ्रममा थिएँ 
अंग्रेजीमा प्लस टू ताका 
'द सिक्स  मिलिअन डल्लर म्यान' 
'द म्याजिक अफ वोर्ड्स'मा पढ्दा 
हारोल्ड जे. मोरोवित्ज़ले भनेझैँ 
साच्चिकै महँगो जिनिस पो रैछ त मान्छे 
कमसल छैन है मानव !

ad

तर मानवता उस्तै छ कि के ?
सस्तो महँगो के छ ?
त्यो चाहिँ ज्ञान भएन 
ज्ञान चाहिँ के भयो भने 
यस्तो महँगो मान्छे बस्ने दुनियाँ 
किमार्थ सस्तो हुन सक्दैन 
भएन पनि !
के खाएर सस्तो होस् है ?

दुनियाँ सस्तो छैन भन्ने ज्ञान 
सही नै भयो अहिले पनि 
खाली गोजी बोकी जाँदा 
दुनियाँ कम पर भाग्दैन गाँठे !

खबर हेर्दै गाको 
एउटा खबर लेख्ने को खबरले 
ट्वाल्ल बनायो 
एक हजार नभएर 
ज्यान गयो भने 
समयले बताउला 
के हो वास्तविकता !

एउटा प्रतिनिधि घटना हो यो 
एउटा प्रतिनिधि पात्र हो यो 
सुनाउने कहानी र समाचार लेख्ने हातहरु 
आफै समाचार बन्नु अघि 
लेखेको अन्तिम समाचार कस्तो थियो होला है ?

नहुँदा एक हजार 
एक अरब तुल्य हो 
त्यस्ता पैसा लाग्ने उपचार 
उसको अधिकार पनि हो नी 
तर यहाँ अधिकार को के पो कुरा र ?

यसरी नै उपचार नपाएर 
उपचार गराउने रुपैया नभएर 
कति आत्मा धिक्कार्दै होलान 
जीवित रहनुको 
अजिव आवश्यकता ?

अब हरेक नेपालीलाई 
सिक्स मिल्लिअन डल्लर म्यान निबन्ध पढ़ाम 
शरीर साह्रै महँगो छ 
एक दुईटा पूर्जा 
मिलाएर बेच्न पाउने हो भने 
मान्छे बाँच्थे होला है 
एक दुईटा अंग कम भिरेर !
मर्नु भन्दा बरु बहुलाउन निको भनी !
फारम भराउ 
तपाई बाच्न 
के के बेच्ने 
स्वीकृति दिनुहुन्छ भनी !  

प्राप्त प्रतिकृयाहरू

यसमा तपाइको मत

प्रतिक्रिया थप्नुहोस्

भर्खरैका समाचार | Latest News

सबै

धेरैपटक हेरिएको |Most Read

सबै