२०७९ जेठ ४ बुधबार | 2022 May 18
काठमाडौंः शहरी विकासमन्त्री रामकुमारी झाँक्रीले गत बिहीबार निधन भएका पत्रकार लालबहादुर विश्वकर्मा (एलबी) को परिवारलाई रु ३२ हजार सहयोग गरेकी छन् ।
अछामको ग्रामीण क्षेत्रबाट आएर क्रियाशील पत्रकारिता गरिरहेका विकले थोरै पैसाको अभावमा ज्यान गुमाएको समाचार सार्वजनिक भएपछि मन्त्री झाँक्रीले आफ्नो तलबको आधा रकम उपलब्ध गराएकी हुन् ।
मन्त्री झाँक्रीले मृतक विकको श्रीमतीको अछाममा रहेको नवील बैँकको खातामा रकम ट्रान्सफर गरिदिएको उनको सचिवालयले जनाएको छ।
अस्पतालको लापरवाही र आर्थिक अभावकै कारण पत्रकार विकको मृत्यु भएको विषयमा सम्बन्धित निकायले सत्यतथ्य बाहिर ल्याउन पहल गर्नुपर्ने विश्वास व्यक्त गर्दै मन्त्री झाँक्रीले विकप्रति श्रद्धाञ्जली तथा परिवारमा समवेदना व्यक्त गरेको सचिवालयले जनाएको छ । े
प्रतिक्रिया थप्नुहोस्