लूनकरणदास–गङ्गादेवी चौधरी साहित्यकला मन्दिर द्वारा तीन स्रष्टा सम्मानित

काठमाडौं : श्रीलूनकरणदास–गङ्गादेवी चौधरी साहित्यकला मन्दिरले तीनजना स्रष्टालाई सम्मान गरेको छ।

मन्दिरले संस्कृतिविद्  प्रा.डा.त्रिरत्न मानन्धर, तेजेश्वरबाबु ग्वङ्गः र गीतसाधक न्हुछेबहादुर डङ्गोललाई सम्मान गरेको हो ।  प्रा.डा. मानन्धरलाई  इतिहास शिरोमणि बाबुराम आचार्य शोध सम्मान, ग्वङ्गः लाई  सरस्वती सम्मान र डङ्गोललाई  नारायण गोपाल संगीत सम्मान प्रदान गरिएको हो । 

ad

बसन्त चौधरी फाउण्डेशन द्वारा काठमाडौंमा आयोजित एक विशेष कार्यक्रम  मानन्धर,  ग्वङ्गः र डङ्गोललाई संस्थाका अध्यक्ष बसन्त चौधरी र कार्यक्रमकी  प्रमुख अतिथि प्रा.डा.उषा ठाकुरले संयुक्त रुपमा  सम्मान प्रदान गरेका हुन।

मन्दिरको २८औं वार्षिकोत्सवका  अवसरमा   आयोजित  कार्यक्रममा सम्मानित  स्राष्टा प्रा.डा. मानन्धरले सम्मानले आफुमा जिम्मेवारी बढाएको बताए । उनले संस्थाका  अध्यक्ष चौधरीको बहुप्रतिभाशाली व्यक्तित्व भएको चर्चा गर्दै  चौधरी राष्ट्रकै एक महत्वपूर्ण व्यक्तित्व भएको बताए  ।

 संस्थाका अध्यक्ष चौधरीले साहित्य संगीत र कला सिर्जनशील विधा भएको बताउँदै यी तीनवटै  विधाले आम मानिसलाई चेतना दिने बताए ।  उनले साहित्यबाट प्राप्त हुने आनन्द अन्य कुनै पनि वस्तु या विषयबाट प्राप्त नहुने दावी समेत गरे ।

अध्यक्ष चौधरीले  भने – ‘सूचना र प्रविधिको  विकासका कारण  आज हरेक विश्वका पाठकसंग पुग्न सक्छ । यस कारण अब स्रष्टालाई विश्व मञ्च छिन भरमै प्राप्छ हुन्छ । तर सिर्जना भने उत्कृष्ट रर शक्तिशाली हुनु पर्यो।' 

कार्यक्रममा डा.अस्मिता अर्याल द्वारा लिखित पुस्तक ‘मैले बुझेको दुनियाँ’ को  विमोचन गरिएको थियो  । विमोचित पुस्तकमाथि   फाउण्डेशनकी उपाध्यक्ष एवं प्रकाशक मेघा चौधरीले  टिप्पणी गरेकी थिइन । उनले डा अर्यालको लेखन  शक्तिशाली भएको बताइन । कार्यक्रमको संचालन कवि एवं साहित्यकार राजेन्द्र शलभले गरेका थिए । 

प्राप्त प्रतिकृयाहरू

यसमा तपाइको मत

प्रतिक्रिया थप्नुहोस्

भर्खरैका समाचार | Latest News

सबै

धेरैपटक हेरिएको |Most Read

सबै