काठमाडौंः काठमाडौं चन्द्रागिरि नगरपालिका–११, सिप्रदीमा रोकिराखेको ट्रकमा स्कुटर ठोक्किँदा एकजनाको मृत्यु भएको छ ।
गए राति करिब १२ बजे सडकछेउमा रोकिराखेको ना ७ ख ५७१२ नम्बरको ट्रकमा नागढुंगाबाट थानकोटतर्फ आउँदै गरेको प्रदेश ३–०२–०१०प ३२१७ नम्बरको स्कुटर ठोक्किएको थियो ।
दुर्घटनामा स्कुटर चालक बागलुङका अन्दाजी २३ वर्षीय किरण केसीको मृत्यु भएको हो । गम्भीर घाइते भएका उनको महांकालस्थित राष्ट्रिय ट्रमा सेन्टरमा मृत्यु भएको प्रहरीले जनाएको छ ।
दुवै सवारीसाधनसहित ट्रक चालकलाई प्रहरीले नियन्त्रणमा लिएको छ ।
प्रतिक्रिया थप्नुहोस्