काठमाडौंः नेकपा एमालेले नाराबाजी गरेपछि प्रतिनिधिसभाको बैठक २० मिनेटका लागि स्थगित भएको छ ।
आजको बैठकमा माओवादी सांसद लेखनाथ दाहालले केपी शर्मा ओली प्रधानमन्त्री हुँदा पशुपतिमा चढाइएको जलहरी सुनको भनेर पित्तलको हालेर भ्रष्ट्राचार गरेको आरोप लगाएपछि एमाले सांसदहरुले नाराबाजी गरेका थिए ।
सभामुख देवराज घिमिरेले पटक–पटक नाराबाजी रोक्न आग्रह गरेका थिए ।
तर एमाले सांसदहरुले ओलीमाथि लगाएकाे आरोप संसदको रेकर्डबाट हटाउनु पर्ने माग राखेर लगातार नाराबाजी गरेपछि सभामुखले २० मिनेटका लागि बैठक स्थगित भएको जानकारी गराए ।
प्रतिक्रिया थप्नुहोस्