फिलिपिन्समा आँधीबाट १६ जनाको मृत्यु

फिलिपिन्समा आएको ‘गोनी’ नामको आँधीका कारण यहाँका कम्तीमा पनि १६ जनाको मृत्यु भएको बताइएको छ ।

यहाँका अरु केही जना व्यक्ति सो आँधीका कारण बेपत्ता भएका छन्। दक्षिणी फिलिपिन्सको आइपुइ लुजनको मुख्य टापुमा शक्तिशाली आँधी आएको छ।

ad

सो आँधीका कारण अल्बे प्रान्तका मात्र १० जनाको ज्यान गएको बताइएको छ। यहाँको क्यान्डुआनेस टापुमा अरु केही मानिसको मृत्यु भएको अन्तर्राष्ट्रिय समाचार संस्थाहरुले जनाएका छन्।

यहाँको दक्षिणी क्षेत्र बढी प्रभावित भएको बताइएको छ । यस क्षेत्रका मात्र करिब ४ लाख सर्वसाधारण विस्थापित भएका फिलिपिन्सको विपद व्यवस्थापन विभागका कर्मचारीले जनाएका छन्।

यस आँधीबाट विस्थापितहरु अधिकांश सरकारी आवासहरुमा बस्दै आएको अधिकारीहरुले जनाएका छन्।

यो आँधी करिब २ सय २५ किलोमिटर प्रतिघण्टाको रफ्तारमा आएको बताइएको छ। यसले यहाँका विभिन्न भौतिक संरचनाहरुमा क्षति पुर्‍याएको सरकारी अधिकारीहरुले जनाएका छन्। आँधीका कारण पहाडी क्षेत्रमा पहिरो समेत गएको छ। यसका कारण विभिन्न राजमार्ग अवरुद्ध भएको बताइएको छ।

गोनी यस वर्ष फिलिपिन्समा आएको १८ औं आधी रहेको मौसम विभागले जनाएको छ। केही दिनअघि आएको मोलाभ आँधीमा परेर २० जनाभन्दा बढीको मृत्यु भएको थियो।

प्राप्त प्रतिकृयाहरू

यसमा तपाइको मत

प्रतिक्रिया थप्नुहोस्

भर्खरैका समाचार | Latest News

सबै

धेरैपटक हेरिएको |Most Read

सबै